Skótalið Mikkjals á Ryggi skipar fyri flaggdagshaldi
Fríggjadagin 25. apríl kl. 15.00 verður flaggdagshald á Giljanesi,.
Skótalið Mikkjals á Ryggi skipar fyri skrúðgongu úr Miðvági og Sandavági. Byrjað verður at ganga:
- úr Miðvági kl. 14.30 frá bygdaskúlanum
- úr Sandavági kl. 14.45 frá Virkishúsinum við Ánna
Inni á Giljanesi spælir Sørvágs Tónleikarafelag, og Ester Poulsen, skúlastjóri, bjóðar vælkomin. Jóan Pauli Joensen, fólkalívsfrøðingur heldur flaggrøðuna.
Vónandi møta ítróttarfeløg og onnur fjølment til skrúðgonguna og inni í høllini á Giljanesi
Í ár eru 85 ár liðin síðani bretska stjórnin formliga viðurkendi Merkið.
