Vága kommuna luttekur í Virkin oktober

01.10.2022

Vága kommuna er samstarvspartnari í ABC fyri sálarliga heilsu og vit luttaka í Virkin oktober. Virkin oktober 2022 er frá 1.-31. oktober og er ein álmanakki við uppskotum til, hvussu tú kanst vera virkin kropsliga, sálarliga, sosialt og andaliga gjøgnum mánaðin.

Tað er gott fyri sálarligu heilsuna at vera virkin á ymiskar mátar. Tú kanst fylgja álmanakkanum hvønn dag, tá tað passar tær ella fáa íblástur til at vera virkin á aðrar mátar. Hvønn morgun í oktobur, fara vit at deila eitt uppslag við hugskotum úr álmanakkanum til hvat vit, hvør í sínum lagi ella saman, kunnu gera fyri at betra um sálarheilsuna. Álmanakkin kann takast niður á heimasíðuni hjá Fólkaheilsuráðnum við at klikkja her.

Í samband við Virkin oktober, skipar Fólkaheilsuráðið fyri eini kapping. Tú kanst fylgja álmanakkanum hvønn dag, tá tað passar tær ella fáa íblástur til at vera virkin á aðrar mátar. Tú kanst luttaka so ofta tú hevur hug við ymiskum myndum av virknum løtum. Við at deila tínar myndir, kanst tú geva øðrum íblástur til at vera virkin í oktober

Soleiðis luttekur tú í kappingini á Instagram:

  1. Fylg @Folkaheilsuradid á Instagram
  2. Tak eina mynd ella video, sum vísir, hvussu tú ert virkin í oktober
  3. Deil tína mynd sum uppslag við hashtags: #virkinoktober2022 og #abcfyrisálarligaheilsu

So ert tú við í lutakastinum um góða vinningin!

Lutakast verður millum allar myndirnar, sum fylgja treytunum omanfyri. Tí hevur tað týdning, at tú nýtir røttu hahstags og fylgir Fólkaheilsuráðnum fyri at taka lut í kappingini.

Fyri at Fólkaheilsuráðið skal síggja øll uppsløgini, ið eru við í kappingini, fylgja tey øllum teirra nýggju fylgjarum, so tey síggja tína luttøku, hóast tú evt. hevur privatan vanga á Instagram. Um tú eisini taggar @vaga_kommuna í so vísa vit hvussu væl vit í kommununi eru við.

Vinnarin verður funnin týsdagin 1. november 2022 og vinnarin fær beinleiðis boð.

Góðan virknan oktober!

#virkinoktober2022 #abcfyrisálarligaheilsu