Útbjóðing at listprýða 2.byggistig av Skúlanum á Giljanesi

18-11-2022

Nú gongd er komin á arbeiðið við 2.byggistig av Skúlanum á Giljanesi, verður útbjóðingin at listprýða skúlan boðið út.

Býráðið hevur samtykt, at listafólk í Vága kommunu skulu fáa møguleikan at koma við uppskoti at listprýða 2.byggistig av Skúlanum á Giljanesi. Nýggi bygningurin inniheldur tí handaligu deildina, tónleik, náttúru og tøkni. Samlaða gólvarealið er 1121 fermetrar.

Býráðið valdi ein listabólk at koma við einum tilmæli um hvussu útbjóðingartilfari skuldi síggja út. Lagt verður upp til list í breiðari merking, sum kann vera alt frá málninga- og myndlist, grafiskt, installatión, tekstil, ljós og ljóð fyri at nevna nøkur.

Listafólk skulu lata inn skitsuuppskotið, saman við frágreiðing um listaverk/ini og neyvt útgreina hvat tilfar verður nýtt, og eina kostnaðarmeting. Freistin at senda inn uppskot, er mánadagin 16. januar 2023.

Listabólkurin tilskilar sær rætt til frítt at velja millum innkomnu uppskotini ella einki at taka.

Listabólkurin ger samrøðu/r við útvald listafólk, sum bjóða uppá uppgávuna. Samrøðurnar verða fyrst í februar og uppgávan verður latin einum ella fleiri listafólkum um hálvan februar.

Kunning

Bjóðað veður til kunningarfund á skrivstovuni hjá Vága kommunu týsdagin 29. november kl. 16.00, har listabólkurin saman við arkitektinum greiða frá um verkætlanina.

Tekningar yvir 2.byggstig fáast við at venda sær til Vága kommunu.

Listaverkini skulu vera uppsett í seinasta lagi áðrenn skúlabyrjan í august 2023. Býráðið hevur sett kr. 175.000,- av til listprýðing.















03.11.2022
Skattalistin 2021







22.10.2022
Íverksetarakvøld

















































































26.02.2022
Kókitilmæli

































17.12.2021
Minnast tit hesar?





























20.10.2021
Vatnsoyrar 100 ár







































30.07.2021
Góði Sverri









03.07.2021
Kunngerð














03.06.2021
Kunning um korona


















31.03.2021
Gleðiligar páskir




































17.12.2020
Tálgaverk







01.12.2020
Gudmundargøta


17.11.2020
Preia kommununa



09.11.2020
25 ára starvsdagur





07.10.2020
Vallistin 2020
























12.03.2020
Kunning um Corona