Vága Kommuna Kommunan Tíðindir Tveir næmingar á Giljanesi til Ungdómsting á Christiansborg

Tveir næmingar á Giljanesi til Ungdómsting á Christiansborg

Mynd: Lærarin, saman við næmingunum vóru og vitjaði á kommunuskrivstovuni í Sandavági í gjár, týsdagin 20. desembur.

Frá vinstru: Ingi Wiberg, lærari, Durita Vón Vidtfeldt, næmingur, Bjørk Akselsen, næmingur og Bjarni Prior, borgarstjóri í Vága kommunu.

21-12-2022

Næmingar á Skúlanum á Giljanesi hava síðan 2018 tá byrjað varð at undirvísa í samfelagsfrøði í skúlanum, latið uppskot inn til Ungdómstingið á Christiansborg, og allar tríggjar ferðirnar eru tað uppskotini hjá næmingum á Giljanesi, sum eru vald út, millum tey føroysku uppskotini, at umboða Føroyar á ungdómstinginum. Hesaferð eru tað Durita Vón Vidtfeldt og Bjørk Akselsen úr 8. flokki á Skúlanum á Giljanesi, sum fara at umboða Føroyar á fólkatingi.

Áður hava Nikolina Ravnsfjall og Kristina Nattestad í 2018 sum tá gingu í 7. flokki og Beinta Ellefsen og Ronja Reginsdóttir Olsen í 2020 sum tá gingu í 9. flokki umboða føroyskan ungdóm á ungdómstingi á Christiansborg. Tilsamans eru 60 uppskot til lógaruppskot vald út til Ungdómstingið í 2023, harav eitt úr Føroyum og eitt úr Grønlandi.

Dagurin er skipaður við nevndararbeiði í teimum ymisku tingnevndunum, og síðan verða nøkur mál koyrd il víðari viðgerð og atkvøðugreiðslu í tingsalinum.

Uppskotið hjá Duritu Vón og Bjørk handlar um at fáa eitt fak til undirvísing í skúlanum. Fakið eitur Tú og eg. Tað handlar um at børn og ung læra um sínar styrkir og veikleikar, sum aftur styrkir teirra sjávlsmynd og sjálvsfatan, fyri at minka um stress hjá teimum ungu. Tey læra at handfara tað trýst tey kenna á sær frá skúlanum og samfelagnum annars. Endamálið er at flyta okkum frá viðgerða børn og ung fyri stress til fyribyrging.

Durita Vón og Bjørk hava lisið og kanna nógv ymiskt, áðrenn tær komu fram til hetta uppskotið til lógaruppskot. Millum annað hava tær kanna hvussu verður gjørt í Finnlandi sum ber orð fyri at hava eina serstakliga góða skúlaskipan. Við tí nógva arbeiði sum gjørt verður í Føroysku skúlunum á trivnaðarøkinum og forleldrasamstørvum, fer hetta fakið at vera við til at styrkja børn og ung at taka ímóti teimum avbjóðingum vaksna lívið bíðar teimum.

Ungdómstingið á Christiansborg verður 30. januar í 2023 og vit ynskja Duritu Vón og Bjørk bestu eydnu við lógaruppskotinum.

31.05.2023

Bráfeingis vakt tel. á tekniska økinum (+298) 79 44 79

V-tal 579092

Opið er soleiðis
mánadag til fríggjadag frá kl. 10 -12 og 13 -15

Uttan fyri hesar tíðir, ber til at senda teldupost
og vit svara skjótast gjørligt.

Fylg kommununi á