Seinastu potingarnar verða gjørdar leygardagin 5. februar

27-01-2022

Landsstýrið hevur lagt fram sína ætlan, um hvussu vit koma aftur til ein vanligan gerandisdag har korona ikki fyllir alt.

Sjálvt um smittutølini dagliga seta met, so er sjúkrahúsverkið ikki undir trýsti, og metir landsstýrið tí, at tíðin er búgvin til stig fyri stig at fara burtur frá tí serstøðu, sum koronasmittan hevur havt seinastu tvey árini.

Sambært landsstýrinum, skulu vit framyvir síggja koronasmittuna sum eina sjúku sum vit mugu liva við, eins og vit gera við flestu øðrum sjúkum, og tað skal vera ábyrgdin hjá tí einstaka at gera av, um hann loyvir sær at verða í vanda fyri at blíva smittaður ella ei, eins og til dømis við beinkrími.

Ætlanin hjá landsstýrinum er, at frá 1. februar verða sóttarhaldsreglurnar linkaðar soleiðis, at fólk sum eru koppsett ikki skulu í sóttarhald, um tey hava havt “tætt samband” við ein smittaðan.

Somuleiðis, verður mannagongdin í samband við koronakanningar broytt soleiðis, at tey sum skulu kanna seg fyri korona, eiga at gera hetta við eini skundkanning. PCR kanningar skulu frá 1. februar bert nýtast til fólk sum hava sjúkueyðkenni og tøttu kontaktirnar hjá teimum, sum eru smittað. Tað vil siga húskið og fólk sum hava fingið eina positiva skundkanning.

Sambært ætlanini hjá landsstýrinum, meta borgarstjórarnir, at tað tí ikki longur er grundarlag fyri, at Vága kommuna og Sørvágs kommuna framhaldandi reka kommunalu potingarstøðina í Miðvági. Hendan avgerð er tikin í samráð við serfrøðina, og fylgja vit tí tilmælunum hjá landsstýrinum og hava valt at gevast at pota leygardagin 5. februar, sigur Bjarni Prior, borgarstjóri í Vága kommunu.

Átakið hjá kommununum í Vágum hevur verið sera væl móttikið millum borgarar í Vágum, og onnur, tí tað hevur lætt munandi um gerandisdagin, ikki at skula fara av oynni seint á kvøldi, ofta við børnum, fyri at lata seg pota í Havn ella aðrastaðni í landinum. Síðan kommunurnar sjálvar tóku stig til at bjóða borgarum í Vágum hesa tænastu, eru uml. 12.000 potingar gjørdar í Miðvági. Hetta átakið var møguligt og hevur gingið sera væl, takkað verið teimum sera dugnaligu starvsfólkunum sum vórðu sett til uppgávuna, og tað eiga tey stóra tøkk fyri, sigur Bjarni Prior, borgarstjóri.

Eisini hava vágafólk tikið væl undir við koppsetingartilmælinum hjá landsstýrinum. Sambært hagtølunum á korona.fo, so hava 91% av vágafólki, 12ár og eldri, lagt arm til 1. prikið og 89% fingið 2.prik. Tó sær út til at talið av teimum sum hava tikið av at fáa 3.prikið stendur í stað ella veksur seint, hóast krøvini til nær 3. prik kann gevast eru linkaði.

Eins og vit gjørdu í august 2021, so hava kommunurnar bjóða seg fram at hjálpa landsstýrinum at fáa koppsett allar teir borgararnar í Vágum, sum ynskja at verða koppsettir, og eftir tølunum frá 1. og 2. priki at døma, so eru tey nógv sum aftur eru klár at leggja arm til. Sørvágs kommuna og Vága kommuna eru klárar aftur at hjálpa myndugleikunum, og vónar borgarstjórin at frætta frá landsmyndugleikunum sum skjótast.




































































26.02.2022
Kókitilmæli

































17.12.2021
Minnast tit hesar?


























30.10.2021
Skattalistin 2020




20.10.2021
Vatnsoyrar 100 ár







































30.07.2021
Góði Sverri









03.07.2021
Kunngerð














03.06.2021
Kunning um korona


















31.03.2021
Gleðiligar páskir




































17.12.2020
Tálgaverk







01.12.2020
Gudmundargøta


17.11.2020
Preia kommununa



09.11.2020
25 ára starvsdagur





07.10.2020
Vallistin 2020
























12.03.2020
Kunning um Corona