Rammuavtala undirskrivað um íbúðir á Steig

Eyðdis Hartmann Niclasen, borgarstjóri og Andras Róin, stjóri á Bústaðir undirskrivað rammuavtalu um íbúðarbygging á Steig í Sandavági

23.12.2020

Á ársins seinasta býráðsfundi hjá Vága kommunu, varð rammuavtala viðvíkjandi íbúðarbygging í Sandavági, millum Bústaðir og Vága kommunu, samtykt.

Seinasta árið, hava samráðingar verið millum Bústaðir og Vága kommunu, um at byggja íbúðir á Steig í Sandavági. Nógv virksemi hevur verið í býráðnum og í umsitingini, og er endaliga samtytk at taka av upprunatilboðnum um at byggja 5 íbúðir. 

Við at undirskriva rammuavtaluna bindir Vága kommuna seg til at rinda fyri liðugtgerð av byggibúningi av matr. nr. 4y.

Tað er West Tec í Sørvági, ið hevur staði fyri prosjekteringini av økinum. 

Tað hevur ligið í kortunum í longri tíð at Bústaðir skulu byggja íbúðir í kommununi, og gleðast vit um, at rammuavtalan nú er undirskrivað og at arbeiðið kann byrja fyrst í komandi ári.