Morgunmatur, grannarudding og parkour leygardagin (grannarudding útsett til 8. juli)

16-06-2022

Vit hyggja frameftir og taka ímóti avbjóðingum sum standa fyri framman. Dentur verður lagdur á burðardygga menning í øllum verkætlanum hjá kommununi, har atlit verða tikin til umhvørvið og náttúruna. Heimsmál nr. 3 hjá Sameindu Tjóðum tekur millum annað støðu í tí heilsugóða lívinum og trivnaði fyri øll í øllum aldri.

Verkætlanin ABC fyri sálarliga heilsu hjá Fólkaheilsuráðnum, sum kommunan er partur av, hevur 3 súlur fyri at fremja góða sálarliga heilsu. At vera virkin, at vera saman og at vera hugbundin. Og fríggjadagin og leygardagin gera vit eitt sindur av hvørjum tá tað kemur til heilsugott lív (vera virkin), trivnað (vera saman) og umhvørvi, ikki einans náttúran, men eisini grannalagið og sosiala lívið í bygdunum (vera hugbundin).

Longu frá uml. kl. 10.00 fríggjamorgunin til kl. 14.30 og allan leygardagin, er møguligt at royna seg í parkour, saman við royndum parkour venjara. Parkour banin stendur á økinum millum bygdarskúlan og ósan í Miðvági. Parkour er ein ítróttargrein, har ein við rørslum, í tí umhvørvi man er í, skal ígjøgnum nakrar forðingar sum liggja í umhvørvinum.

Leygarmorgunin 18. juni kl. 10.00 bjóðar kommunan til morgunmat inni á Giljanesi. Bjarni Prior, borgarstjóri bjóðar vælkomin og greiður eitt sindur frá um aktuell mál í kommununi, Hans Ravnsfjall fer at tríva í nakrar kendar sangir, og umboð fyri Rynkenby koma framvið, á Giljanesi, har borgarstjórin teimum eina stuðulsgávu frá kommununi í samband við teirra longu leið til París.

Í ár er tað Miðvágs Róðrarfelag sum stendur fyri morgunmatinum í høllini. Øll eiga at hava sítt egna kaffi/te krúss við til vertin, so vit nýta sum minst av plast ella papp koppum.

Sunnumorgunin er gudstænasta í Miðvágs kirkju. David Johannesen, prestur fer í prædiku síni at koma inn á náttúru og náttúruvernd.

Útsett

Seinnapartin fara vit út í grannaløgini, kring um í kommununi, at rudda. Frá kl. 14.00 til 16.00 eru vertir í hvørjum grannalag sum, afturfyri ein posa við ruski, bjóðar pannukøkur ella annað gott, afturvið einum kaffimunni. Eins og til morgunmatin, eiga øll at hava egið krúss við.

Tá ruski er samlað á einum stað í grannalagnum, koma fólk hjá kommununi og heinta ruski, og burturbeina tað á skynsaman hátt. Grannaløgini gera sjálvi av um øll heinta rusk, ella um onkur kanska fer eftir eini rívu og lúka.

Bilurin hjá kommununi tekur einans rusk sum er ruddað í grannalagnum. Endamálið er ikki, at húsarhaldsrusk úr kjallarum ella aðrastaðni verður sett saman við tí, sum verður rudda úti í grannalagnum. Umhvørvisplássið er opið frá kl. 14.00 til 16.00 til tað sama.

 















03.11.2022
Skattalistin 2021







22.10.2022
Íverksetarakvøld

















































































26.02.2022
Kókitilmæli

































17.12.2021
Minnast tit hesar?





























20.10.2021
Vatnsoyrar 100 ár







































30.07.2021
Góði Sverri









03.07.2021
Kunngerð














03.06.2021
Kunning um korona


















31.03.2021
Gleðiligar páskir




































17.12.2020
Tálgaverk







01.12.2020
Gudmundargøta


17.11.2020
Preia kommununa



09.11.2020
25 ára starvsdagur





07.10.2020
Vallistin 2020
























12.03.2020
Kunning um Corona