Minnast tit hesar?

17-12-2021

Aftaná teir høvdu verið við til jólatræðtendringina í kommununi og tá góvu børnunum pakkar, so sigldi Heimdal jólamennirnar til Norðurpólin, har teir enn hava nógv at gera við at framleiða fleiri jólapakkar til jóla. Men jólamenninir gjørdu eina avtalu við Heimdal, um at koma aftur eftir teimum, so teir kundu koma aftur at heilsa uppá børnini í Vága kommunu áðrenn jól og geva teimum ein pakka.

Bjarni borgmeistari hevur tosað við skiparan á Heimdal, og hann sigur at teir væntandi koma inn á Sandavág sunnudagin uml. kl. 16.45. Hóast Bjarni borgmeistari sigur seg ikki vera so jólaligan, so gleðir hann seg sum ein lítil smádrongur til at síggja Heimdal jólaskrýddan og fullan av jólamonnum koma siglandi inn á vágna, so teir kunnu gleða børnini í Vága kommunu.

Heimdal fer at sigla inn á Sandavág og fram við sandinum har, og fer so víðari inn á Miðvág, har Heimdal leggur at í bátahylinum í Miðvági uml. kl. 17.15, og so fer ein bilur hjá sløkkiliðinum at koyra jólamennirnar heim til vøllin, har børnini so kunnu koma og heilsa uppá teir. Umframt at børnini fáa pakka frá jólamonnunum, so verður eisini ókeypis kaffi og kaka at drekka, sum MB stendur fyri, og Tummars Heri og Co. fara at hugna um við eitt sindur av jólatónleiki.

Vit ynskja at halda tilmælini, vøllurin er stórur so tað ræður um ikki at samlast ov nógv saman og halda frástøðu.














































26.02.2022
Kókitilmæli

































17.12.2021
Minnast tit hesar?


























30.10.2021
Skattalistin 2020




20.10.2021
Vatnsoyrar 100 ár








































30.07.2021
Góði Sverri










03.07.2021
Kunngerð














03.06.2021
Kunning um korona


















31.03.2021
Gleðiligar páskir




































17.12.2020
Tálgaverk







01.12.2020
Gudmundargøta


17.11.2020
Preia kommununa



09.11.2020
25 ára starvsdagur





07.10.2020
Vallistin 2020
























12.03.2020
Kunning um Corona