Kanna fyri Covid-19 í dag

16.11.2021

Kanningarstøðin í Vága kommunu er opin í kvøld og ger kanningar frá kl. 18.00 til 20.00. Tíð kann bíleggjast á kanning.corona.fo við at velja Miðvágur sum kanningarstað.

Fyri at stytta um bíðitíðina, hevur tað týdning at møta til ásettu tíð, og ikki at møta ov tíðliga.

Eftir ætlan verður kanningarstøðin opin tríggjar dagar um vikuna. Týsdagar og hósdagar frá kl. 18.00 til kl. 20.00 og leygardagar frá kl. 12.00 til kl. 14.00. Tó kunnu dagarnir og tíðirnar broytast, alt efter hvør tørvurin og smittustøðan í landinum er.

Omankoyring til kanningarstøðina er frá Giljanesi.