Eru salt kassarnir tómir?

27.01.2022

Nú tað aftur er kavi og hált í morgun, er tað tørvur á at tað verður saltað ymsastaðni í kommununi. Nógvir salt kassar standa runt í teimum ymisku býlingunum og tí er nógv at fara um. Tað hevði verið okkum ein stór hjálp, um borgarar kundu boða kommununi frá um teir leggja til merkis at saltkassin er tómur. Við at brúka skipanina Gev Prei, fær vegatoymið hjá kommununi beinleiðis boð og kunnu vera skjótir á staðnum at fylla salt í kassarnar.