Dagførd gjøld fyri tilboð og tænastur frá Vesturvón frá 1. januar 2026

09.12.2025

Stýrið fyri Vesturvón hevur samtykt at dagføra gjøldini fyri tær tænastur og tey tilboð, sum verða veitt innan heimatænastu og eldrarøkt. Nýggju gjøldini koma í gildi 1. januar 2026. 

Dagføringin byggir á ásetingarnar í kunngerð um heimatænastu og gjald fyri heimatænastu, eldrarøkt o.a. og fevnir um øll tilboð, ið verða veitt við heimild í løgtingslóg um heimatænastu, eldrarøkt v.m. Gjøldini verða hækkað samsvarandi javningarprosentinum fyri almannaveitingar, sum fyri 2026 er ásett til 3,6%.

Búfólk á Heiminum á Sýnini og borgarar, sum gjalda fyri heimatænastu, fáa skriv heim við nærri kunning um broytingarnar.

Talva við teimum dagførdu gjøldunum kann takast niður niðast á síðuni.