Skrivstovufólk til umsitingina í Vága kommunu
12.10.2026
Vit søkja eftir einum dugnaligum og tænastusinnaðum starvsfólki til umsitingina. Talan er um fjølbroytt starv, har tú verður partur av dagliga arbeiðinum á kommunuskrivstovuni.
Tú verður eitt av andlitunum úteftir hjá kommununi og kemur at hava ein týðandi leiklut í gerandis samskiftinum við okkara borgarar, vinnulív, stovnar og almennar myndugleikar.
Vit leggja dent á, at tú er fyrikomandi, tænastusinnað/ur, skipað/ur og leggur teg eftir at skipa gott samskifti við allar viðkomandi partar.
