Námsfrøðilig ráðgeving

Ráðgeving:

Námsfrøðiliga ráðgevingin er ein fyriskipan, sum stendur stovnum í Vága kommunu í boði. Í ráðgevingini starvast ein námsfrøðingur.

N. R veitir fakliga ráðgeving til tað námsfrøðiliga innihaldið í arbeiðinum á stovni, bæði í mun til barnabólkar, einstøk børn o.a.

Endamálið við ráðgevingini er fyrst og fremst at tryggja, at øll børn í Vága kommunu hava eitt gott og mennandi dagstovnatilboð.

Arbeiðshátturin:

Ráðgevingin tekur støði í vitanini um, at børn hava tørv á góðum relatiónum fyri at menna seg á bestan hátt.

Endamálið við arbeiðinum er tískil at tryggja børnum mest møguligt samspæl við onnur børn.

Námsfrøðiliga ráðgevingin tekur altíð støði í førleikum og styrkjunum hjá børnunum, tí har eru flestu og bestu menningarmøguleikar.

Eisini verður stórur dentur lagdur á at styrkja tey vaksnu, sum eru um børnini í tí dagliga, so tey eru før fyri at bjóða børnunum eitt gott og stimbrandi samspæl.

Foreldrasamstarv:

Tað er umráðandi, at foreldur hava innlit í og ávirkan á tað arbeiði, sum verður gjørt í mun til barn teirra, og tískil er foreldrasamstarv ein týðandi liður í ráðgevandi arbeiðnum.

Stovnurin kann tí eisini bert søkja um námsfrøðiliga ráðgeving til eitt ávíst barn í samráð við foreldur.

Mannagongd:

Tá tørvur er á ráðgeving, setir stovnsleiðarin seg í samband vi Námsfrøðiligu Ráðgevingina, sum síðan ger avtalu við stovnin, um hvussu tilgongdin kann síggja út.

Til ber at koma í samband við Námsfrøðiligu ráðgevingina á teldupost nam.radg@vaga.fo ella Eva tel. 794406